祖兒戥好友開心 阿倫差啲爆響口
容祖兒：好開心，知道佢又添一丁，克勤係個好好爹哋，同佢通電話，佢就話「唔講啦，要餵奶」。佢個仔同太太都非常幸福，因為有個咁好爸爸同丈夫，我鍾意送衫仔畀BB，但佢乜都有，再諗吓先。
譚詠麟（阿倫）雖正身在內地，但當然早就接到克勤的通知，他笑說：「忍口忍得好辛苦，依家公布咗，返嚟我就可以去探喇。（送咩畀克勤？）睇吓佢鍾意咩先再搵人做，（叫佢追多個女？）睇佢自己意願。」昨晚他更在微博上寫到之前為保守克勤再度添丁的秘密，竟「差啲發開口夢爆咗出嚟」，十分搞笑。
鄰居汪明荃：聽到梗開心，一定要畀封大利是佢，得閒會去探佢。
陳慧琳：恭喜佢，叫佢兩個仔帶埋劉昇去玩，一齊去踢波。仲要向佢請教點樣成功避過傳媒耳目接老婆同BB出院，好叻、好醒。
陳奕迅：恭喜佢又生多件，（幾時輪到你？）會努力，放心，（佢好醒避開晒傳媒！）真係要向佢學習，問佢用乜方法。
梁榮忠：恭喜佢，要送上無限祝福，叫佢努力再生，一路生落去，仲可以追個女，最重要母子平安。
