寧進蒲頭自爆鍾意女人
捲入陳志雲涉貪事件的藝人寧進（原名：梁志昌），昨晚出席周永恒與趙梓淇（前名趙頌茹、阿Yu）於土瓜灣舉行的婚禮，亦是寧進於保釋候查期間首度公開現身。寧進昨晚大方任影，問到有否聯絡陳志雲？他說：「冇搵，怕畀人話夾口供，佢都冇搵我。（幾時再返ICAC報到？）唔知，之前返過一次，件事仲調查中，唔擔心。」
問到facebook私相簿被晒通街，寧進淡定說：「我都唔算多。（有收入？）有，你哋都查到我有好多份工o架。（有傳陳志雲打本畀你做生意，關係曖昧？）我哋係朋友關係，我有女朋友！」寧進更斬釘截鐵表示喜歡女性，至於在facebook內曾表示喜歡男性，有欺騙陳志雲之嫌，他解釋說：「已經刪咗，開嗰陣以為係問性別。」至於叢培崑公司壓價之說，寧進就表示早已不屬該公司。他又透露與叢培崑有保持聯絡，更爆對方「是直不是攣」。
而阿Yu昨晚卻漏口風踢爆寧進已經和女友分手，她說：「我有請寧進女友，不過都係從朋友口中知道佢哋分咗手！」