何琍琍讚分秒必爭
何琍琍與狄娜當年同拍《大軍閥》，雖然沒有對手戲亦認識對方，琍琍記得有次與老公趙世光飛倫敦在機上遇到狄娜：「佢不停喺度寫嘢，我好奇就問佢寫乜，佢話寫演講稿，好用心，我覺得佢真係好本事，分秒必爭，係自我提升嘅女人。（佢喺遺作寫拍《大軍閥》的全裸戲係畀導演李翰祥欺騙？）都有可能，嗰時狄娜都唔需要咁做。我拍過李翰祥兩套戲，但私下冇乜聯絡，婚後李導都有叫我拍戲，我冇答應。」琍琍本人的原則是不作性感演出。
周啟邦夫人譚月清年輕時常在家中開派對，曾邀狄娜出席，對方扮楊貴妃更成焦點人物，之後狄娜開派對亦有邀請周氏夫婦去玩。
周太說：「我覺得佢好好、好叻又有口才，好欣賞佢。其實佢好幸運，對抗病魔十年咁耐，邦邦只係對抗咗一年十個月，想佢過多兩年都唔得。」
本地設計師文麗賢曾與狄娜合作做過節目主持，她說本來是其姐文麗嫦與狄娜做主持，有一次她代姐做主持而跟狄娜合作，覺得幾好玩，但因年代久遠已不太記得當時情況。文讚狄娜聰明記性好，初次見面同枱十幾人食飯都能一次過記得所有人的名，睇劇本能過目不忘。