「傻兔仔」一錫難忘
歐錦棠於95年主持《香港直播》曾訪問狄娜，她更暱稱他為「傻兔仔」，問及何解？阿棠說：「我唔講呀，係秘密！後來我主動要求佢錫錫，因為我諗起黃霑曾講過，如果畀狄娜錫一啖就乜都願，我咪大膽問狄娜可唔可以錫我一啖？起初佢有少少扭擰，後嚟都肯，佢好大方，我當時梗係開心啦，直頭覺得無憾！」
狄娜病逝，不少網民紛紛悼念這位「奇女子」，有網友將她的經典電影如《七擒七縱七色狼》及《游龍戲鳳》等片段放上YouTube，當中不乏她在《游》片中的香艷出浴鏡頭，性感尤物果然名不虛傳！亦有網民在討論區大讚狄娜，指她後生時身材勁、中年從商成就一樣勁，後期擔任節目主持分享的閱歷同樣勁；又有網民指她的臨別贈言相當感動。