嘟嘟被偶像堅持考起

嘟嘟說：「狄娜從商後出番嚟，因為幫電影金像獎做嘉賓，我主持《城巿追擊》先有機會訪問佢。（有冇深刻印像？）當年《城追》係錄播，但狄娜要求直播，佢好聰明，因為唔想訪問被剪輯。後來《城追》變做半小時前錄播，就算剪輯都冇時間。（呢個堅持真考起你？）最考起係狄娜答問題好有立場，嗰次我直頭畀佢『考牌』，不過我真係上咗好好嘅一課，以後我都學佢咁答。（問咩？）問佢個女由千金變公子，狄娜當時話唔可以答，因為佢個仔Michael唔在現場，唔知佢鍾唔鍾意，所似唔可以代個仔答。好彩我都做足資料搜集，佢自己嘅嘢都好肯講，先至平衡到個訪問。」

狄娜生前非常疼錫肥肥女兒鄭欣宜，欣宜因為不適，透過友人陳家豪回應，希望大家給多些空間馬天如，陳家豪又稱馬天如曾致電欣宜，但不知當中內容。而曾與狄娜合作《七擒七縱七色狼》的李香琴亦稱，雖然兩人沒同場拍攝，但大讚對方和藹及排場犀利。