A. Lin保護海洋為鯨請命
o靚模A. Lin（裴殷）及DaDa Lo（盧頌之）早前與同門跳舞組合Bro5，由信和物業管理有限公司總經理（商場推廣）蘇蔡潔蓮帶領下，率先到「奧海城海洋微妙世界」參觀。眾人在館內看見長達廿四呎的大型小鬚鯨標本時即問：「係咪真架？」當蘇蔡潔蓮指是真標本時，他們顯得非常驚訝。
睇標本百感交集
A. Lin能一睹鯨魚非常興奮，但又擔心牠們會絕種，她百感交集兼嘴扁扁地說：「我一直好想去日本睇鯨魚，但一路都未有機會，冇諗過第一次睇鯨魚會係喺香港。不過佢哋好慘，居住環境被破壞，又被人類捕殺，搞到數量愈來愈少，再咁樣落去，真係未必有機會再見到真鯨魚喺大海暢泳！」
蘇蔡潔蓮表示，棱皮龜將在三十年內滅絕：「因為佢哋誤以為膠袋係水母，食咗塞住內臟而死。」A. Lin、DaDa及Bro5參觀後異口同聲表示要保護海洋，DaDa說：「要少用膠袋，不但可幫到海洋生物，仲可以減少廢物污染。」Bro5則從食物方面入手：「用素翅代替魚翅，咁可以減少捕殺鯊魚。」
文：專案組