謝天華昨日出席《張國榮－舞台上的絕代經典》展覽開幕，他更即席獻唱張國榮（哥哥）的歌曲《Monica》。曾為哥哥的MV及演唱會擔任舞蹈員的天華，自爆當年曾破口大罵哥哥：「有年港姐我要着件公仔衫跳舞，而哥哥就做表演嘉賓，嗰陣我着住件衫跳已經好辛苦好忟，點知跳跳下有人踩住我件衫條尾，於是我擰轉頭就鬧，點知原來嗰個係哥哥嚟嘅，當時佢都呆咗。」
