尹佬性格個個讚

身為摯友的黃興桂在尹佬惜別日活動上，不忘秉承尹佬的開心性格，大搞爛gag。他說：「尹佬1982至1983年遇到米雪，拍拖後就好專一，佢兩個好襯，尹佬之後對所有女士都Say No，令到其他球員多咗好多機會，我希望識到尹佬係有今生，有來世，米雪係現代『花木蘭』、鐵娘子！」

人間喜鵲

譚詠麟為尹佬致悼辭時，不止讚對方是生命鬥士，更是一隻喜鵲，即使有煩惱都會解決了才講出來，他說：「簡直冇得頂，好嘢！」阿倫早前因踢波左腳受傷未愈，但昨日在紀念球賽上，他套上護膝頂硬上場，雖然沒有入球，但卻表現活躍。

從不認輸

曾志偉為好友尹佬致悼辭時不斷嗚咽，他覺得尹佬留低了不認輸、關心朋友、樂於事業的精神，並懷念對方待人接物之親切，更大讚米雪是位值得尊敬的人，米雪聞後即時向志偉作九十度鞠躬，志偉續說：「尹佬係樂天主義者，佢無論喺體育及生意上都好勤奮，同病魔拚搏，病情後期反覆、變差，佢依然捱住，仲同醫生交流病歷。」

譚詠麟

曾志偉