秋生唔吼G.E.M.齋瞄婷婷

黃秋生前晚出席Billion一周年活動，講到大仔扭傷腳入院，秋生即時咪咪嘴笑，並說：「腫咗啦！難得佢坐喺隔籬郁都郁唔到，畀我哦都走唔到，睇見佢個樣唔耐煩又唔敢駁嘴，幾好笑呀！」話雖如此，秋生也相當緊張受傷的兒子，直言想囝囝休息多幾天，更親自為他捽跌打酒。

幫囝囝撲拐杖

問到是否以跌打酒當親子活動？秋生說：「都可以咁講，支跌打酒都幾年囉！聽日話要返學，仲要四圍幫佢撲拐杖（你好慈父呀！）我盡責任啫，唔係點呀，攞個仔整叉燒包咩！」

大會安排秋生與G.E.M.及謝婷婷等人合照，期間秋生目不斜視。當記者問秋生可認得身邊的新人？他說：「望都冇望過，婷婷咁靚女仲望其他？我啱啱先放逐返嚟，都唔知發生咩事。」

謝婷婷直言不清楚四哥是否失戀。

羽翹以連身短裙出席活動，相當搶眼。

唔知老竇失戀

同場的謝婷婷被問及父親謝賢失戀，她直言對事情不清楚，並說：「真係唔清楚，佢好忙，有時打畀佢想約佢食飯，要前一個星期約，平時講電話都係講吓笑同講個孫。」

婷婷說反而哥哥霆鋒得到男配角獎戥他開心，婷婷直言已發短訊恭喜哥哥，卻一直未收到回覆，一度懷疑阿哥改了電話號碼。另外她透露最近全家忙於為栢芝即將出生的BB改名，因家人篤信風水命理，故會交由風水師挑選。

文：影視組