Mandy Lieu出騷失魂情傷一仆
剛和陳柏霖分手的Mandy Lieu，情傷後雖堅持工作，不過失戀卻變成失魂兼失足，前晚穿Boots行騷時竟仆倒當場，胸光乍洩。Mandy老貓燒鬚，仍一臉從容繼續行騷外，更不肯透露會否向舊愛報告仆倒瘀事。
名模Mandy Lieu前晚偕同諸葛梓岐、Jessica C.等為又一城舉行的《Fashion Jungle. In Here. At Festival Walk》演繹春夏新裝。作為場中師姐級的Mandy，穿長Boots演繹連身裙時，竟在天橋上突然仆倒。經驗豐富的Mandy未有花容失色，向前仆時先用左手按地卸力，後以雙手支撐站起，然而不免胸光乍洩。之後Mandy繼續演繹其他服裝，神色自若，面帶傻笑，但明顯見其雙膝紅腫。
膝頭紅晒嗌痛
騷後Mandy說不需要看醫生治療，並大方的連聲說不緊要，「對鞋好跣，開騷前個台要靚啲有抹地。唔係仆倒塊面嘛，以前行騷都有試過跣腳，但真正仆低係第一次，最緊要係完成個騷，依家睇番膝頭都紅晒，好痛！」
剛受情傷的Mandy被問到是否因失戀而失魂落魄？她笑笑口說：「其實都唔關事，你覺得我今日行得唔好唔靚咩？（打畀陳柏霖話自己仆親？）我唔答你，冇咩事啦。（但你仆完之後行騷時傻笑？）唔係尷尬而笑，下次我會喺鞋底黐膠紙。」
同場的諸葛梓岐（Marie）表示未有目睹Mandy仆倒，並認同鞋底及台面較跣，慶幸自己未試過跌倒，但就試過下面走光。
諸葛想養男友
日前Deep V拋胸出席活動的Marie，前晚行騷竟「封胸」，她笑說：「當日返去都有啲人話：嘩，做乜咁靚！（有啲人即係男友薛嘉麟？）係囉。（佢叫你少性感？）佢冇咁話，我好少性感，我同佢講唔使咁緊張。（叫你收斂？）你要問番佢。（男友有冇叫你唔好做等佢養？）唔得，我係社會一分子要做嘢，不如我問佢，叫佢唔好做等我養，哈！」
文:名人組