G.E.M.破戒痛快狂擦
鄧紫棋（G.E.M.）早前到坪洲拍攝宣傳短片，初到坪洲半日遊的她，對當地的宜人風景、淳樸民風及地道特色美食都讚不絕口，G.E.M.更大飽口福到著名的食肆品嘗海鮮大餐。
G.E.M.閒時最愛到銅鑼灣、尖沙咀等潮人購物「熱點」，甚少到遠離煩囂之地，日前她隨新城DJ科林踏足坪洲遊玩，最令G.E.M.開心的是，平日經理人常鞭策她減肥，今次可以奉旨開懷狂食，又不用擔心在旁的工作人員「眼睥睥」，食得痛快兼心安理得！
五餸一湯
G.E.M.甫抵坪洲，科林已向她事先張揚一定讓她食個夠，並展示了一張美食清單，定必由街頭食到巷尾。G.E.M.對於科林的「關照」大表感激，她說：「單喺一間餐廳都點咗五餸一湯，魚、蝦、蟹乜都齊，款款都好好味，原來坪洲嘅海鮮特別鮮美o架。」
之後科林又帶她試食「極品」——坪洲蝦多士，當G.E.M.看見外表如黃金磚的蝦多士時，一副為食相盡露，她大大啖咬落蝦多士後，滿足地說：「好好味呀，多士外層嘅麵包糠好脆，裏面嘅汁好濃味好香，仲有幾隻原隻大蝦，真係好夠彈牙、好有口感、好夠蝦味。」
運動燒脂
雖然G.E.M.為保靚聲戒食煎炸食物多時，難得可以食到超正的蝦多士，故不得不破戒一次，她笑說：「食埋今次，我咪返屋企狂做運動，抵銷番啲卡路里囉！」
文：音樂組