孫耀威靠創作睇清自己
孫耀威（Eric）最近忙於為即將推出的新碟宣傳，在新碟中，他將信仰融入創作中，以音樂帶出正面訊息，勉勵青年人珍惜生命。
Eric日前現身新城電台接受訪問，宣傳將於4月9日推出的新碟，他透露專輯已進入「衝刺期」，並說：「之前有啲歌喺美國混音都已經搞掂晒，另外封面都已經影好，依家係搞埋啲包裝！」談到新碟為何取名《Man in the Mirror》？Eric解釋說：「喺今次創作過程更加了解咗自己，就好似喺鏡入面睇清楚自己一樣，所以決定用呢個名。另外米高積遜有首歌都係叫呢個名，自己本身都好鍾意呢首歌。」
怕生小朋友
Eric又談到創作歌曲《如果生命還有歌》的背後故事，他說：「創作呢首歌嘅時候，睇到有女學生為情自殺嘅報道，想帶畀人要愛自己、珍惜生命嘅訊息，雖然我呢隻碟入面嘅係商業歌，但因為自己嘅宗教，唔少靈感都有受《聖經》影響。」Eric雖然表示暫時未有打算推出福音碟，但碟中不少歌亦有勉勵人心的訊息。
此外，Eric最近又忙於為教會製作由小朋友主唱的福音碟，他說：「我冇份唱嘅，係幫啲小朋友錄音，啲小朋友真係好得意。（想快啲生番個？）又唔係喎，反而怕咗，因為真係好嘈。」
採訪：音樂組