梁敏儀柏林之旅慘留痕
梁敏儀主演的《安非他命》應邀參加柏林影展，令她有機會展開十天柏林之旅，首次踏足柏林的她，最先感受到的是當地零下4度的寒冷天氣，她笑說：「未試過去咁凍嘅地方，好彩買咗對雪靴，路上真係好滑，試過有日着5吋高跟鞋，好靚咁落車，但就成個跌咗喺地，膝頭流晒血，到依家都有疤痕。」
去到柏林，梁敏儀沒有放過看好戲的機會，連續多天看了來自世界各地的好片，她說：「可能係國際性大型好多，好偏門嘅戲都有，我仲攞咗好多電影簡介返嚟同朋友分享。」而最令她吃驚的是當地的士費之貴，梁敏儀說：「真係估唔到，我哋兩架的士，行咗半個幾鐘，竟然用咗三千蚊港幣，大家都講笑夠一張由香港去台灣嘅來回機票。」