郭穎橋旅行啟發生意大計
歌手郭穎橋早前與友人到外地旅行，途中發現一間人手造鞋的店舖，即入內參觀，她說：「我好鍾意鞋，乜情況都想買鞋！」人手造鞋絕對獨一無二，身為「鞋迷」的阿橋原本打算入貨，最後卻失望而回，她說：「佢話最快都要兩日先有貨，但我第2日就要走喇，真係好可惜！」阿橋更甚有老闆本色想出生意大計，她說：「嗰度嘅鞋來來去去都係得啡色，好似單調咗啲，如果係我一定會加多啲唔同嘅布料同配件，而且呢間舖頭咁開揚，其實可以開班，或者畀旅客落手落腳造鞋，一定生意激增！」
至於其所屬公司Boxing Promotions Ltd.早前解散唱片部所有員工，只有師姐李卓庭「獲救」過檔新公司，對此阿橋說：「公司處理緊嘅係大人嘅事，我身份係小朋友唔會多問，我知道佢哋對我好就夠喇！」