露底霆鋒拖Eason傾心事
陳奕迅（Eason）一連十八場的演唱會前晚舉行第五場，好友何韻詩、劉浩龍、何超儀及尹子維等撐場，當他第二次encore時，樂隊突然奏起他為霆鋒寫的歌曲《改造人》，隨後霆鋒突然上台，立即令全場哄動，驚喜萬分的Eason跟兄弟互相擁抱，期間着住穿窿牛仔褲的霆鋒屁股露出黑色底褲，非常搶鏡。
難忘公園談情
Eason跟霆鋒合唱《改造人》後，兩人在台上竟然手拖手傾心事，含情脈脈互望微笑，認真肉麻，霆鋒說：「我同身邊一班好朋友都好戥Eason開心，因為我覺得佢係香港歌手嘅光榮，可以代表香港，仲記得十年前我開演唱會嗰陣，佢突然間出現，搞到我好驚喜！」而Eason坦言難忘兩人初入行時的相處，他說：「十五年前我哋一齊出道，成日去公園傾偈傾天光，到依家我都仲好記得。」
栢芝年底復出
另外，內地有報道指導演爾冬陞表示張栢芝答應為年底開拍的新片演出，不過導演擔心她五月生完第二胎之後，年內會再度懷孕而影響接拍電影，他又稱不介意栢芝帶埋小朋友及保母到片場開工，本報致電爾冬陞及張栢芝經理人求證，但直至截稿前仍未有回覆。
採訪：音樂組