陳志雲跌Watt憔悴爆面油

陳志雲前晚與一班愛將包括鄧健泓、張繼聰、唐詩詠及陳敏之等飯局四粒鐘，至凌晨12時離開仍笑容滿面登上七人車。不過昨午3時45分陳志雲再度外出時，卻面泛油光、鬚根乍現兼臉容憔悴，見記者時更一反常態未有展露招牌式笑容，只低頭看書。

七人車直駛銅鑼灣威非路道一商業中心，從停車場後門進入大廈，據知身為香港旅遊發展局董事之一的陳志雲，此行為出席會議。記者在大廈正門巧遇曾批評陳志雲的高志森，表現愕然的他被問到是否約了陳志雲時否認其事。在大廈逗留了兩個多小時的陳志雲下午６時乘七人車返家。

放大圖片	張繼聰前晚飯局後做柴可夫送張敬軒離去。

高志森「陰人」論

身為旅發局成員的高志森事後接受電話訪問，表示剛出席旅發局隔月召開的例會，與陳志雲有點頭打招呼；問到對方的表現時，高志森說：「冇問題，佢一如以往咁發言。」早前有報道指高志森在有線節目中暗諷陳志雲，他澄清道：「我講緊生意經，講陰險小人先用『陰人』字眼，絕對冇影射任何人，係啲人對號入座。」又重申跟陳志雲再見亦是朋友，絕無問題。

唐詩詠強調單身

此外，前晚鄧健泓離開飯局時未有回答被飛出《勁歌》的問題，只笑道：「食飯好開心。」而唐詩詠昨日出席活動時亦拒絕透露飯局內容，問到與崔建邦復合的可能性，她說：「唔想講咁多，驚出面啲人誤會，我依家係單身，生活幾好。」

唐詩詠昨日出席活動時強調自己單身。

陳志雲前晚與一班愛將飯局至十二時才各散東西。

文：專案組