周柏豪遭踢爆戀情口窒窒
周柏豪主演的處男舞台劇《我不要被你記住》前晚開鑼，吸引薛凱琪、方大同、周子揚、楊愛瑾、董敏莉及楊思琦等人捧場，柏豪緋聞模特兒女友鍾浠文單拖現身，當要求兩人合照時，柏豪表現尷尬，更被其老闆當面踢爆戀情，以「柏豪女友」形容鍾浠文。
柏豪在劇中與兩女演員有咀戲，問到鍾浠文會否呷醋？她大方說：「唔會，為工作之嘛。（柏豪有同你備案？）冇，我都係睇報道先知。」並投訴柏豪要她自己買飛撐場。柏豪事後表示會請鍾浠文食飯補數，對於被老闆踢爆戀情，柏豪無奈說：「佢成日都亂噏，個個都話係我女朋友。」問到為何不承認戀情？他即口窒窒稱：「只係朋友。」