Amanda S.聞城城送樓嗌甜蜜
名模Amanda S.前日與國際化妝師Zing一同出席「Amway Artistry SS10全新春夏彩妝」活動，同場還有名模Mandy Lieu及Cara G.。Amanda得悉前緋聞男友郭富城被指付錢買屋私藏名模女友熊黛林後說：「好sweet呀！如果一個男人肯買樓畀一個女人係好事，亦好甜蜜，（男友送樓畀你敢唔敢收？）如果間屋太大都會唔好意思收。」
去年尾到法國巴黎修讀甜品課程的Amanda被讚有天分，故留港兩月會返回法國進修：「去年仲打算自己打本喺香港開蛋糕店，會減少做模特兒工作。（投資幾多？）最少三百萬，但唔想男友贊助，我哋已經一齊住，如果再一齊做嘢就會見得太多。」