學友床技拚偉仔唔認輸
張學友在新片中與電影《色，戒》全裸的湯唯飾演一對，但兩人的親熱鏡頭卻近乎零，學友未有感到飲恨，也不覺得輸畀老友梁朝偉。
由張學友、湯唯、張可頤、安志杰、鮑起靜等演出的電影《月滿軒尼詩》，前晚在九龍灣國際展貿中心舉行首映禮，薄施脂粉、以連身裙簡單打扮的湯唯反而明顯較濃妝艷抹的張可頤搶鏡，示範簡單就是美。
囡囡睇戲冇全套
張學友被問到片中與湯唯有沒有床戲？他說：「冇乜，只係同張可頤有少少。（會唔會飲恨﹖）唔會。（咪冇得同梁朝偉比﹖）冇得比啦，同佢咁熟，唱歌、演技乜都比過啦。（會唔會嫌床戲少﹖）冇特別喎。」
學友是出名廿四孝老公兼好爸爸，問到拍親熱戲可要先得老婆羅美薇批准﹖他說：「佢都冇問，佢好少睇我啲戲。反而有畀個女睇我啲戲，不過，都要揀畀佢睇啦，好多時唔可以成套畀佢哋睇晒﹗」電影《痴心的我》是張學友與羅美薇邂逅之作，但片中有不少親熱鏡頭，學友指待女兒長大後會讓她們觀看，因這套電影有他們相識的經過。
未獲安排返大陸
對於湯唯「解禁」，張學友則說：「佢OK喎，咁耐以嚟都感覺唔到佢覺得自己畀人封殺。」
剛在內地影壇「重獲自由」的湯唯，被問到可會為電影到大陸宣傳？湯唯表示《月》片是她首部港產片，她當然希望能與大陸觀眾見面，不過，現時還未獲公司通知要到大陸進行宣傳，還要看公司安排。
採訪：影視組