謝安琪唔敢帶親友睇Eason

謝安琪（Kay）昨日出席《救亡16度Part II》首播午宴會。對於徐濠縈開口叫她去欣賞陳奕迅個唱，Kay表示：「係咩？我知道阿徐仲同大家講，話Eason唱我首《囍帖街》，大家唔好大驚小怪添，我好同意呀。」Kay表示若有時間會前往欣賞，並自爆：「好多親友叫我捧場時帶埋佢哋入去，但我驚順得哥情失嫂意，所以暫時唔去住！」

Kay坦言若有時間，會去欣賞陳奕迅演唱會。
Kay坦言若有時間，會去欣賞陳奕迅演唱會。

Kay老公張繼聰昨日在另一活動上，被問到是否避忌而不捧Eason場？他說：「梗係唔會，自己都好想去睇，但佢一票難求！」記者指Kay踢爆他不會去捧場，張繼聰即說：「有飛就一齊去，好彩Eason開咁多場，希望有期可以睇。（會唔會叫Kay問公司攞飛？）我只係知道啲飛唔多，我自己都好支持佢o架，佢係樂壇中流砥柱。」

張繼聰讚陳奕迅是樂壇中流砥柱。
  • 張繼聰讚陳奕迅是樂壇中流砥柱。