惠英紅搵啱對象一周即嫁

惠英紅憑電影《心魔》勇奪「第四屆亞洲電影大獎」的「最佳女配角」，事後她拉隊與台前幕後工作人員吃火鍋慶功，席上更難掩興奮心情滿場飛。昨日，惠英紅出席得獎者受訪會時，被問會否為金像獎得獎加添信心？她說：「我真係好恨呀！吳君如係最大勁敵，真係要睇運氣。依家有兩個劇本睇緊，一部係愛情電影，一部女性電影。我叫咗佢哋計咗成本先，如果唔夠我可以減片酬都得，只要係好劇本就得。」她指現在最希望拍一些智障的角色：「我唔係對任何人有貶意，只希望以呢個年紀去進入呢個世界。」

惠英紅昨日以大露背裝性感示人。
惠英紅昨日以大露背裝性感示人。

問她下個目標是否出嫁？她亦恨到出口說：「相士話我出年會派利是，雖然依家烏蠅都無隻，但凡事都有可能。（閃電結婚？）如果啱嘅，拍拖一星期都可以結婚啦！」

至於憑《心魔》勇奪「最佳新演員」的黃明慧，坦言十分喜歡電影拍攝工作，過往亦曾當「茄哩啡」、DJ等，並感激《心》片導演垂青：「導演當年睇過我做茄哩啡，不停搵人打探我個電話，搵到我之後我哋一拍即合。希望之後有機會同劉青雲和梁朝偉等合作。」

惠英紅與黃明慧前晚齊齊打邊爐慶功。
  • 惠英紅與黃明慧前晚齊齊打邊爐慶功。
惠英紅（右）與黃明慧同時憑電影《心魔》得獎，可喜可賀。
  • 惠英紅（右）與黃明慧同時憑電影《心魔》得獎，可喜可賀。