大肚栢芝：可惜唔可以跳起!

謝霆鋒前晚憑電影《十月圍城》勇奪《第四屆亞洲電影大獎》最佳男配角，霆鋒公開感謝太太張栢芝之餘，還稱她「Lovely Baby」，罕有地隔空示愛，之後更急急腳回家與栢芝分享喜悅。原來栢芝早已預備了驚喜大蛋糕，不過兒子Lucas因夜深早已睡了，故沒有參與這個小型家庭派對。對於老公攞獎，栢芝笑言：「好開心，可惜唔係生BB之後攞，如果係仲好，因為依家個肚太大，跳唔起喇！」

父母反應冷淡

霆鋒昨日出席得獎者訪問會時，表示看到惠英紅奪得「最佳女配角」的一剎，感動得差點哭出來：「我睇佢啲戲大，動作演員能夠攞獎係一件好開心嘅事，觀眾睇三十秒嘅鏡頭，演員可能要拍成三星期，受傷嘅傷痕可能陪個演員三十年，真係好戥佢開心。」被問奪獎後會否考慮加片酬時，霆鋒謂：「拍戲應該係為咗喜歡電影而拍，唔係為咗攞獎加片酬而拍！（攞獎會否慶祝一下？）我都要慶祝，張家輝咪要成個星期？（打畀父母報喜？）有，但佢哋反應好冷淡，只係講句：『係咩，恭喜晒，幾時走？』（意指返內地拍戲）。」

謝霆鋒（左三）前晚獲眾人送上祝福的擁抱。

謝霆鋒前晚獲頒最佳男配角，喜上眉梢。

霆鋒入行十四年，於影壇拿到的獎項不算太多，問他可有覺得今次奪獎是「遲來的獎項」？他表示：「唔覺，獎項好虛無，拍戲口碑最緊要，只不過我唔明點解啲導演成日搵我拍啲好危險嘅戲。後來導演林超賢話畀我聽，係因為啲電影公司老闆貪我方便，好賣命咁拍戲，導演仲叫我唔好介意，其實我係老闆嘅話都會咁諗。」

預告請假陪產

早前婷婷指栢芝呻二仔的名字很難改，霆鋒亦承認：「係好難改，因為我想用番L開頭同『cus』呢個尾音，搵咗好耐都唔啱，『Marcus』比較近磅啲，中文名就更加未有。」昨晨，霆鋒終可讓兒子一看獎座，並打算將獎座放在兒子床邊。他又稱拍畢《新少林寺》後會拍王晶開的戲，工作已排至明年年中，但霆鋒直言栢芝生BB時，王晶應會放人，否則屋企人都不會放過他！

文：影視組