莊思敏為妹鋪路讀婚禮設計有着數
莊思敏昨日披上嫁衣，為法國婚紗攝影行騷，雖然行婚紗騷無數次，但沒有破壞對結婚的憧憬，她說：「婚紗騷行得多，令我更加五時花六時變，因為婚紗款式每次都唔同，亦和傳統有別。」
思敏坦言不會為自己設計婚紗，卻希望做Wedding Planner，她說：「我逼細妹報讀Wedding Planner課程，佢去年已畢業，到依家仲未搵到工做，成日去街逃避我，我依家畀佢一個月限期決定。等佢讀完我就打本畀佢做生意，到時我哋幾姊妹結婚可以由佢籌備，肥水不流別人田。」
Mandy生日冇仔約
另邊廂的Mandy Lieu以春天婚紗代言人身份行騷，問到怎樣慶祝生日？她說沒有：「我好累，工作完就返屋企休息。（寂寞中度過？）唔會，有工開就開心。（冇男人約？）隨緣，總之我依家冇人追！」她又表示將到布吉與沙巴拍攝life style節目，問她會否穿三點式？她坦言不會。至於是否轉型？她說：「我冇話轉型，我行騷七年，仲好enjoy，總之有騷就行，有節目就拍。（搵少咗？）最緊要開心，但收入真係冇大改變。」