千嬅50吋巨胸色誘色誘
楊千嬅裝「胸」作勢「色誘」余文樂，造型卻惹來丁子高劣評，豁達的她直言上圍不及老公，但反而大感安慰。
千嬅昨與余文樂在荃新天地宣傳新片《志明與春嬌》，與觀眾大玩遊戲。談到戲中一幕千嬅以當年麥當娜的雪糕筒胸造型亮相，令人拍案叫絕，千嬅大方回應：「導演話我咁大個女未試過，畀個五十吋胸我囉，點知『義肢』成日篤到樂仔，男人喺呢方面敏感啲，所以有啲尷尬。」
微波唔自卑
成為丁師奶後，千嬅言談更見大方，她自言：「你估我唔想性感呀？冇料着咗都跣番落嚟咋。（老公有咩意見？）佢話呢啲嘢唔襯我，叫我做番自己。佢有健身，個胸仲大過我。（自卑？）咁又唔會，反而覺得安慰，因為佢要保護我。」
冇搵鄭中基
至於舊愛鄭中基與蔡卓妍分手，坊間不少人猜測是流料，千嬅直認不少朋友也在討論：「我覺得『真的假不了』好適合借用嚟回應呢件事，雖然我唔係好知點解，但有玄機嘅。（聯絡鄭中基？）冇呀，唔方便八卦，總之每個人都可以有自己嘅生活方式。」
剛「轉會」的樂仔則坦言加盟新經理人公司後，自己會恢復歌手的身份，稍後推出國語唱片。他又透露《志》片口碑不錯，且有機會憑此片進軍五月的康城影展。
有此一著
老公開設時裝品牌，成為丁太後的楊千嬅愈着愈潮，昨日更以Maria的黑色透明膠衣，配襯Rick Owens的背心裙，黑色Leggings再加五吋、購自Joyce的高跟鞋，造型突出立時成為焦點所在，相當切合其女主角身份。
文：影視組