阿姐派定心丸：TVB架構健全

自無綫總經理陳志雲於三月十一日被廉政公署扣查後，無綫翌日便以敏感時期為由「封城」，直至昨日才「解封」，首個宣傳活動即派出重量級人馬汪明荃率王祖藍、阮兆祥及李思捷等，為扮嘢節目《荃加福祿壽》於電視城內進行拜神儀式，其中阮兆祥更以熱爆阿凡達造型現身，非常搶鏡，為免敏感，阿姐稱節目不會提及陳志雲：「同埋周六先首播，件事都過氣啦。」

生日送禮少不免

對於陳志雲被捕一事，阿姐坦言得悉後感十分驚訝：「我唔識叢培崑，ＩＣＡＣ冇搵我助查，我亦都冇聯絡陳生，唔知件事真定假。不過見佢都精神，證明佢有面對事件。」傳高層向藝員收禮物一事，阿姐大派定心丸：「ＴＶＢ唔會嘅，架構好健全！不過大家知分寸，生日送禮物在所難免。」

問阿姐早前演出的舞台劇是否由思潮製作？她說：「係高志森搵我嘅，我冇收酬勞，係慈善演出。（有冇畀人壓過價？）呢啲唔講喇，ＴＶＢ藝員係有價嘅。」王祖藍則說：「冇打算節目入面扮陳生，佢係我好朋友、好上司，需要尊重，畀啲空間佢。」

法拉昨日出席新劇宣傳時，自稱只曾向高層送上五百元以下的禮物。

胡杏兒、陳豪等為力谷新劇收視，與途人大玩互動。

志雲又高調出巡

此外，陳志雲昨晚乘的士離家外出，繼續高調出巡，一眾記者蜂擁追訪。陳總此刻風頭一時無兩，就連最近無綫播出的劇集《秋香怒點唐伯虎》的收視，最高只得32點（約二百萬觀眾），為此，《秋》劇演員陳豪、陳法拉和胡杏兒昨日出席宣傳活動力谷收視。對於有傳高層收取藝員禮物一事，陳豪稱即使出席生日會也會兩手空空，並說：「其實送禮係好普通嘅事，係呢排大家敏感咗啲！」法拉則坦言是個慳妹，只送過五百元內的銀製手鏈做禮物，又大讚陳志雲在記者會中表現淡定，十足演講！

文：影視組