謝安琪榮幸Eason睇得起
謝安琪（Kay）、陳柏宇與周柏豪昨日出席慈善活動，對於曾傳緋聞的陳奕迅（Eason）前晚在個唱上唱《囍帖街》，Kay大讚Eason「Good Choice」，她說：「未睇Eason個唱，遷就到時間都希望去，之前佢喺電台講過會唱《囍帖街》，因為利東街有好多佢嘅回憶，唔係因為首歌係我嘅，都覺得好榮幸。（做神秘嘉賓？）唔會喇。」
Kay又言不擔心「唱起」緋聞，問到會否與丈夫張繼聰一同欣賞Eason個唱？Kay說：「好難約，嚟緊我要錄國語碟，希望復活節可以去台灣同監製見面。」
此外，Kay前晚於另一活動上，解釋早前與丈夫「唔夾口供」回應傳聞，她說：「我係從觀眾角度去睇，同埋好多朋友以為佢唔開心，ＳＭＳ畀我叫我支持佢，所以我都估佢唔開心，原來冇，睇咗報道我都愕然，佢冇嬲我或者鬧我。」