憑《心魔》入圍角逐「第四屆亞洲電影大獎」「最佳女配角」的惠英紅，心情非常緊張：「緊張到要食藥，點知食咗藥又敏感同肚屙，搞到瘦咗十幾磅。」刻下只得九十七磅的她覺得勁敵是廣末涼子，得獎與否要靠運氣搭夠。
惠英紅接受陳志雲訪問的《志雲飯局》前晚播出，她笑指自己好窮，未有安裝收費電視。對於節目結尾陳志雲話中有話，她說：「佢錄嗰part時我應該走咗，我覺得佢係清白，況且節目係過年前錄，佢當時心情冇問題。」
