梁家輝初任評審主席自嘲不稱職
久違了的梁家輝擔任「第四屆亞洲電影大獎」評審團主席，一口氣看竣三十多部電影的他，昨日戴墨鏡接受記者圍訪，原來因眼部發炎所致。他說：「之前睇3D電影戴特效眼鏡，自己又鍾意捽眼，所以咪搞成咁囉。」雖然身為本港電影人，家輝一再強調自己評分時會站在中立位置，絕不偏私。
對於自己首次當主席，家輝謙稱：「唔稱職呀！個個評審都習慣獨立做嘢，大家未集埋一齊見過面，好彩投票冇出現爭持不下嘅情況。」有傳大會出現拖欠廿萬製作費，家輝對此表示：「畀咗五萬訂金，可能尾數要等節目完咗先計，咁都唔係欠錢。（怕唔怕影響大會形象？）只要傳媒減低負面報道，就應該唔會。」他又透露當年《情人》導演將開拍新戲，自己亦看過相關小說，雖然不會自薦演出，但家輝笑謂覺得自己也很合適。
另外，就拖欠製作費一事，公關方面指是一場誤會，日內他們將發聲明以正視聽。