王喜買碌柚葉畀陳志雲

記者稍後致電王喜，他表示今次去探陳志雲，是買花到對方屋企更換，以及買碌柚葉給陳志雲沖涼，王喜笑言：「賣碌柚葉個老闆好醒目，一見我買碌柚葉就主動問我係咪買畀陳志雲，我話係，佢即刻買一送一，仲託我同陳生講，叫佢加油同問候佢，陳生知道都好感動，仲話冇諗過賣碌柚葉嘅人都對佢咁好，佢仲叫我同大家講放心，唔使太擔心佢，（陳志雲有冇留意近期啲傳聞？）佢呢幾日都冇睇任何新聞，（狀態點？）好好，食得瞓得，好精神，（佢會唔會出嚟交代一下？）我唔知，不過會嘅話自然會有公布。」

此外，昨日王喜在網誌留言，前日曾為陳志雲去放生積功德。