徐子珊昨日出席手機活動，擔任大會司儀的森美對於被指為「志雲黨」，他笑言身份很飄忽，一時說他是、一時又不是，不過現時工作就未有影響。森美透露有發短訊慰問陳志雲，對方回覆多謝關心。
森美被問到可有接洽過陳志雲公司的工作，同時又遭壓價﹖他說：「叢培崑有搵過我，但係只係問價。其實講價好平常，好多製作公司都會要求平啲，有時如果係相熟嘅，都會主動問要唔要友情價啦。」
徐子珊透露未有被廉署邀請協助調查，對於有傳無綫女高層收名貴手袋，徐子珊說：「我都係送自己唱片，自己嘅戲飛，係咪啲雜誌靠估？」問到早前出席高層生日會時，可有見人送禮？她尷尬地說：「都係啲小禮物或者生日卡。（你送咩？）上年好似要做嘢冇去到。」
