呂慧儀背腿一戰撼贏周秀娜

新片《惡胎》前晚選在旺角鬧市舉行首映，戲中兩位女演員周秀娜及呂慧儀一向性感掛帥，前晚呂慧儀以設計師訂造靚裙，吊帶大露背騷白滑玉背及修長雙腿成功擊敗一身黑色透視裝的周秀娜，周秀娜直言因為第一次做女主角，想在打扮上帶給大家驚喜，故炮製了「惡胎Look」，而她亦大方讚呂慧儀靚。

專登收埋事業線

成為焦點的呂慧儀，獲不少街坊大讚樣靚身材正，被問到是否專登以靚裙對撼周秀娜，呂慧儀笑說：「唔係！我以為你哋鍾意睇『事業線』添，我專登收埋咗，諗住唔好成日畀大家見到。」她笑稱雖然在旺角鬧巿，但下車一直有林雪以大肚腩為她擋駕，故一點也不擔心，至於票房理想會否以更性感示人，她說：「咁要睇吓事業理唔理想，先考慮露事業線啦！」另問及有指黃宗澤代為做媒，為她介紹葉念琛導演，呂慧儀直言當日大家工作後一齊食飯，對方從沒有單獨約她去街，更說：「我要識人自己會去，請唔起黃宗澤做媒人。」

呂慧儀性感打扮，艷壓全場。

倪晨曦表示與黃宗澤只是普通朋友。

倪晨曦唔識杏兒

同場05年多倫多華裔小姐冠軍倪晨曦，因流出與黃宗澤親密照而傳緋聞，對此她說：「大家做嘢識，其他工作人員都有影合照，只係普通朋友，大家冇聯絡，我都冇佢電話，唔知邊個係胡杏兒，啱啱返嚟幾個月，好多人都唔係好識。」

文：影視組