陶大宇冇黨冇派翻身有望
陳志雲因涉貪被廉署扣查後，在無綫大權旁落，據聞由無綫助理總經理區偉林接任總經理職務，區本身非黨派成員，對「冇黨冇派」又失勢的無綫藝人如陶大宇、吳啟華等人來說，乃一大喜訊！
無綫將有一番新景象，旗下冇黨派藝人各有一番見解，陶大宇說不知傳聞孰真孰假，寄語無綫做好製作，實事求是，慨嘆以往勤力工作的人苦無機會，懶散及「唔知做乜」的人卻機會多多，大宇有感而發說：「問點解係冇答案嘅，希望無綫做番正路啲、平衡啲囉！唔好一面倒，亂七八糟，電視台係做製作地方，唔係搞黨派嘅。」
啟華懷念家樹珍姐
大宇於去年底與無綫未能達成共識終結束藝人合約，他直認雙方不能再合作：「太偏重一方，用晒自己仔女，我就要坐冷板櫈。（喺無綫廿幾年，佢哋有冇分黨派？）偏心一定有，係唔公平。（有冇送禮畀高層爭取工作？）我都唔受重用，邊有錢買嘢畀佢哋！」
而吳啟華指無綫有新景象絕對是好事，有黨派反而做不出好成績，在無綫廿多年來，自言從未向高層送禮，也沒有黨派之分：「以前曾勵珍、梁家樹年代，我兩邊都有拍佢哋啲劇，珍姐幾錫我，大家合作好開心，但我冇送過禮畀佢。」
汪明荃信影響不大
剛從北京返港的汪明荃不知道有新官上場，一切待公司決定，指對分黨派之說不太清楚，對有指藝員送禮來爭取工作，阿姐表示未曾聽聞，她亦沒有送過禮：「我啱啱返好多嘢都唔知，都係傳媒傳出嚟嘅，我都想知邊個接任總經理，不過邊個都影響唔大，因為機構好健全，唔使擔心，我一向做好自己事。」至於宣萱說與陳志雲不熟，聲言冇做過便不用怕，上任的新官是誰也好，因傳出的人選都是無綫人。
在內地出席活動的湯鎮業談到陳志雲涉貪一事，認為有人太高調，被捉個正着並不出奇：「送禮呢樣嘢，有邊個商家唔送呢？不過我就唔信無綫少咗佢會亂陣腳！」
文：影視組