祖兒阿嬌撐好姊妹
阿Sa和Ronald突傳結婚後，昨日阿Sa又戲劇性高調承認分手，又結又離消息，令身邊的圈中朋友無不感錯愕，但眾星覺得感情是私人事，故同聲表示不願多加評論。
容祖兒：作為阿Sa嘅好姊妹，佢一定handle到，都大個女o架啦。
鍾欣桐（阿嬌）：無論阿Sa有任何決定，我都全力支持，我永遠企喺阿Sa嗰邊。
楊千嬅：吓，咁點？真定假呀？（傳06年佢哋結咗婚？）呢啲係人哋嘅事，我唔方便評論，我仲要係咁敏感身份。（有冇同Ronald再聯絡呀？）比較少，自己唔會SMS問佢，我唔八卦，私人事冇資格講，評論都唔應該，我已經嫁咗人，仲問我呢啲做乜？
余文樂：我又冇同鄭中……（基傳緋聞），我唔理人哋嘅事。
梁漢文：我梗係唔知佢（Ronald）分手嘅事啦，近排我忙演唱會，佢又忙電影宣傳，我哋好耐冇聯絡，作為朋友，梗係戥佢可惜啦，我又同Ronald熟，佢哋諗清楚先有個決定，外人唔好太多評論，希望佢哋開心、快樂，我唔會問佢，好怕做呢啲嘢，都唔知講乜。佢有冇結婚，我就唔清楚。