林海峰玩殘BIG FOUR
張衞健、蘇永康、梁漢文及許志安組成的BIG FOUR前晚舉行第二場演唱會，健仔太太張茜、蔡一智及方力申到場支持，好友林海峰擔任嘉賓。林海峰大放笑彈說：「中三嗰陣喺尖沙咀做送貨，有間酒廊貼住駐場歌手Dicky Cheung嘅相，最難忘佢『簷篷』咁大嘅髮型。」再爆康仔曾在尖沙咀Disco哭訴失戀：「點知轉場去第二度已經見到佢有個新朋友，不過又一小時之後，佢又一個人喺度唱歌。」引得哄堂大笑！
林海峰又指張茜與張衞健結婚後，仍然被叫張茜：「有名分等於冇名分，我代你向佢講聲多謝！」張衞健即大方向太太的位置鞠躬，恩愛非常！最後，林海峰指安仔從不公開女友的名，難得對方咁偉大，隨即轉身問安仔：「到底叫咩名啫？」安仔即十分尷尬的說：「得啦，得啦，我諗我請錯咗嘉賓。」
