詹瑞文空歡喜無綫續封殺
陳志雲涉貪污遭無綫停職，早前在舞台劇上扮陳總而遭無綫封殺的詹瑞文，昨日離奇獲無綫派員採訪，令阿詹以為自己因陳總失勢而獲解封。不過無綫事後表示不會播出阿詹的訪問片段，阿詹可算是空歡喜一場！
詹瑞文與吳君如昨日為新片《美麗密令》宣傳，與君如相熟的袁嘉敏代表無綫娛樂新聞台到場採訪，更與阿詹進行單獨訪問。
阿詹當年在舞台劇中指無綫娛樂新聞台不專業，又在舞台上模仿陳志雲而遭無綫封殺，故獲袁嘉敏採訪後阿詹有感而發謂：「直至今日之前無綫都唔採訪我，當年同無綫本來傾合作兒童節目，後來我喺舞台劇扮陳生，合作中斷咗。（有人用職權封殺你？）我唔敢評論，我尊重每間公司嘅政策。（趁呢段時期再搵TVB傾合作？）唔會，敏感時期千祈唔好，等件事過咗先。」其後阿詹又話中有話說：「喺《美》我扮電視台高層『岑志文』，套戲排呢個期上，單新聞都幾幫到，天意！」
君如送祝福
不過無綫電視外事部副總監曾醒明否認「解封」阿詹：「娛樂新聞台派員去係採訪套戲同君如，可能位同事比較新，娛樂新聞台係一向唔做詹瑞文，做咗都唔會播，因為詹瑞文曾經唔尊重娛樂新聞台，成件事同陳志雲先生完全冇關。」
對於陳總被捕一事，君如就送上祝福。她又力撐出書爆料的舊愛杜德偉說：「我知佢想寫勵志書，我有畀意見佢，本雜誌攞住段錄音話佢爆人料，點解會攞到段錄音？口述梗係再刪改，咁樣夾硬話人，好無辜囉！」
文：影視組