Race知恩圖報祝福錢國偉
女子組合2R的黃婉佩（Race）出道「升呢作」《當四葉草碰上劍尖時》，監製正是與陳志雲涉嫌貪污案被捕的錢國偉（Wilson），當年更盛傳Wilson疼錫Race，疑有偏私之嫌，兩人關係不可言喻，Race知恩圖報力撐對方好監製。
陳志雲涉嫌貪污醜聞成為娛樂圈討論熱話，由於涉及多位無綫高層及大型節目，當中更疑有藝人被迫以低價接工作，令受影響歌手人數難以統計。前晚2R出席活動，而妹妹Race出道憑接拍劇集《當四葉草碰上劍尖時》升呢，監製正是涉嫌貪污被捕的錢國偉，當年更盛傳Wilson對Race寵愛有加。
談到Wilson涉嫌貪污被捕，Race出口力撐：「Wilson係個好監製，好專業，其他嘢唔知！」她坦言對報道感震驚，更表示擔心，她續說：「間唔中同Wilson都有聯絡，希望佢冇事，暫時唔會sms佢喇。」
江若琳冇諗過收錢
另一位獲Wilson「另眼相看」的趙碩之，有傳年前拍攝由他監製的劇集《盛裝舞步愛作戰》時，獲欽點做女主角，兩人的夜蒲照更放上趙碩之的Blog而鬧緋聞，昨日趙碩之坦言擔心對方：「我入行都係多得佢，係我伯樂。（信唔信佢涉貪污？）總之相信佢為人，佢對我好好。」
而有份出席去年《翡翠歌星賀台慶》的江若琳說：「出席呢個節目，冇諗過有錢收，入行後每年都有出席，冇所謂啦。」她又表示未有印象曾與陳志雲私人助理叢培崑擔任董事的思潮廣告制作有限公司合作過。
方珈悠（Jaime）不諱言曾透過TVB出席由錢國偉帶隊的慈善活動，不過已忘記有否酬勞，她說：「同Wilson都幾熟，暫時唔會sms打擾佢喇。」至於莊思敏坦言曾透過思潮接Job，但強調價錢合理。
官恩娜（Ella）昨日穿上低胸豹紋裝出席另一活動表示曾與寧進拍劇，坐在對方電單車車尾，至於原在日前舉行的旅遊節目記招，遇上「封城」取消，Ella表示未有受到影響，她說：「冇影響，監製唔係錢國偉，旁白係我，唔係陳志雲，有跟歌星合約收錢。（曾遭壓價？）有固定價錢，公司會保護我，我都有底線。」
文：音樂組