周秀娜胸贏筷子姊妹花
「性感女神」周秀娜與師妹八模出席時裝品牌2%周年晚宴，由於大會主題為「懷舊的80年代」，故周秀娜穿上一件頭泳衣，配以鮮艷絲襪外着，雖沒有三點式的谷胸效果，但亦令其玲瓏浮凸身材表露無遺，成為全場焦點。
周秀娜表示今次造型是抄襲麥當娜：「我有喺網上搵過，當年麥當娜都係咁着，而且個膊位係再搵人加工，做足功課。（之前有冇玩過主題派對？）畢業之後，有時都會同同學搞party，試過搞比堅尼同睡衣派對。」她表示比堅尼派對上，所有男士都要赤裸上身。
Evelyn多肉拒性感
身為品牌旗下代言人的陳嘉寶（Anjaylia）及蔡穎思（Evelyn），則以「筷子姊妹花」造型示人，雖然可愛，但始終不及周秀娜搶鏡。Evelyn大方表示每一個年代都會有性感打扮，但一定不會輪到她與Anjaylia去試，更自嘲：「我同Anjaylia冇周秀娜身材咁好，而且又比佢多肉，所以要用多啲布去遮住。」同場的A. Lin亦以「寶珠姐」打扮上陣，身穿低胸碎花裙的她，同樣甚有睇頭。
文：專案組