揀戰衣爭金像獎 阿詩預告露前露後
貴為今屆金像獎「最佳女配角」候選人的何韻詩（阿詩），最近染指電視圈又被讚賞，阿詩謙稱演技不及「媽咪」汪明荃（阿姐），故還是做好配角王的角色。
杜汶澤（阿澤）、阿詩、呂慧儀、陳爽等昨日出席劇集《女王辦公室》宣傳活動，眾人齊齊整甜品預祝白色情人節，期間阿詩及阿澤被要求擺甜蜜甫士拍照，鬼馬的阿澤竟唔理三七廿一，未有理會阿詩是女兒身便跳上其背脊，場面惹笑。
寧做配角王
對於新劇反應不俗，阿詩大表高興，表示阿姐雖然人不在港，但仍非常關心外間反應，隔數天便致電詢問她。問到有否信心與電影般同獲提名？阿詩說：「係都阿姐先，咩有啲咁嘅嘢咩？咁我咪可以做配角王。（都要着低胸喎！）咁得意？係都搞掂金像獎先，依家準備緊身段，（露邊度？）不外乎露前同後，唔通露下面咩，留番畀阿姐級，我又唔會僭建，驚行行吓跌出嚟失禮人。」阿詩更指今次終可正式踏上紅地氈，再不是從前的路人甲乙丙，所以正積極找晚裝。
阿澤被問到該劇會否添食拍續集，笑指現時還未想，由於工作繁忙，所以每晚只能網上重溫。」正為新片《前度》剪片的阿澤又透露進度比預期中好，問到阿嬌演出是否很激？阿澤說：「總之唔夠瞓都令我為之一振啦！」
文：影視組