Stephy第一次叢培崑經手

曾任職警員的叢培崑（Edthancy），因身為陳志雲得力助手而為人熟悉；由於互聯網曾有不少他與陳志雲的親密照流出，二人關係一度惹來揣測。直至前日Edthancy被廉署拘捕被踢爆其任董事的一間公司在註冊處的地址，竟是陳志雲亞皆老街的單位，加上有指其公司的幕後老闆是陳志雲，二人關係可謂異常「密切」！

中學時認識

據知Edthancy除了與陳志雲關係微妙外，私底下的感情生活多姿多采。據知情人士透露，Edthancy於讀書時期曾與當年有校花之稱的鄧麗欣（Stephy）拍拖。雖然兩人並非就讀同一中學，但由於同住屯門大興邨，故不時在屋邨公園碰頭，因而認識並發展成情侶，能夠成功勇奪Stephy初戀，Edthancy魅力果然沒法擋。

對於有關傳聞，Stephy身處內地工作但仍回應說：「我喺中學時代已經識佢，但我哋唔係同班，只係打排球時識。（話你哋拍過拖？）無拍過。（有無聽過佢同呂慧儀拍拖？）我都唔知，畢咗業之後都無聯絡，係做呢行撞番先有聯絡，其他嘢就唔知喇。」談到Edthancy等遭廉署拘捕，Stephy表示不欲多作回應，但卻直認對方曾在工作上幫過她：「我07年處女演唱會，佢幫我設計tee送畀啲fans，當時純粹係朋友式嘅幫忙，根本未知佢嘅公司成立咗未。」不過記者昨日在寧進的facebook內，發現一張疑似Stephy與Edthancy及寧進合照，Stephy與Edthancy的親密關係可謂不言而喻。

叢培崑（右）早前出席《翡翠歌星賀台慶》。

叢培崑為鄧麗欣處女演唱會設計T恤。

呂慧儀斬纜

另外，有指Edthancy八年前亦曾與呂慧儀拍拖，據知當時女方還未入行。不過呂慧儀昨日接受電話訪問時似乎有心與Edthancy劃清界線：「我冇同佢拍拖，只係大家都喺屯門區讀書，喺校際排球比賽見過佢，無約出街。（覺得佢為人點？）真係唔熟！平時喺工作上見到會打招呼，但唔知佢有公關公司。」對於爆發陳志雲被捕事件，呂慧儀直認事態嚴重，但卻否認公司勒令旗下藝人封口，並指不知道公司有分黨派：「我唔係志雲派，唔知公司有咁分，至於同錢國偉接觸都只限於做騷，私下無聯絡。」

而記者昨日在Edthancy的facebook內，雖然找不到鄧麗欣及呂慧儀的蹤影，但卻發現莊思敏與美味天使之一的「香蕉」王淑玲均在其好友之列，看來Edthancy的異性緣果然不俗。

文：影視組