Toby變潑婦街頭喪鬧
梁靖琪（Toby）拍戲變「巴喳妹」，當街當巷對人破口大罵。陳錦鴻抵死嘲Toby「入型入格」，Toby亦自認男仔頭，但只是「好睇唔好食」，被人欺負時全靠家姐保護。
Toby、陳錦鴻、郭晉安、郭少芸及陳曼娜等，日前於深水埗拍攝新劇《團圓》外景，吸引大批途人圍觀。劇情交代患有老人癡呆的陳曼娜涉嫌高買，被雜貨店老闆恐嚇，結果Toby出手「退敵」，與人當街對罵，期間更發生推撞。
自認男仔頭
陳錦鴻抵死指Toby「入型入格」，想不到Toby竟照單全收，直認角色與本身性格十分相似：「我本身都好男人頭，加上佢（指陳曼娜）係我親戚，保護親人應該呀。（你成日幫屋企人出頭？）我有個好硬淨嘅家姐，好多時係佢幫我出頭至真。」戲中扮演拉麵高手的她又表示收工時經常雙臂發麻：「好在導演都安排我同人鬥食，大飽口福補番數。」
北上搵真銀
錦鴻與安仔自《創世紀》後，相隔十年再合作，二人異口同聲指對方沒變，安仔更笑言：「錦鴻被人叫『花灑鴻』，因為佢咁多年都好多道理講，之前我冇興趣聽，但依家人生閱歷多咗，覺得佢講嘅嘢唔係冇道理。」「三劍俠」少了一個羅嘉良，二人有感遺憾，錦鴻更說：「希望我同安仔再添多個（小孩）前，可以call到佢返嚟合作啦。」安仔透露稍後會北上拍劇搵真銀，不過他卻無意效法羅嘉良移居內地：「香港是我家嘛。」
至於戲中錦鴻懷疑老婆郭少芸與郭晉安有染，結果出手打老婆。他自言自己亦是醋埕：「好在我老婆淨係對打麻雀、湊仔同瞓覺有興趣，好少同異性朋友聯絡。」
文：影視組