Mr.尾場騷 Eason棄女獻唱
樂隊Mr.前晚在紅館完成兩場演唱會，成員MJ女友卓韻芝繼續撐場，原本抱住囡囡睇騷的陳奕迅（Eason）亦即興上台獻唱，對於外界指主音Alan似足Eason，Eason鬼馬否認：「我覺得唔似喎，我咁靚仔，佢條腿又幼，我就廿四吋大髀！」Eason表示五月將與Mr.到倫敦演出，心情興奮。
演唱會期間，有男歌迷High爆衝上台喪跳，隨即被工作人員拉走，鼓手Tom笑言對方有前科：「佢唔係第一次o架啦，嗰個歌迷好熱情。」Mr.對Eason上台合唱感驚喜，感謝對方支持：「佢嚟睇已經好開心，希望佢知道我哋有誠意多謝佢！」大會指已有十九年未有新的本地樂隊於紅館開騷，大讚Mr.有實力，Dash希望外界能給予更多機會其他樂隊，並透露唱片公司有意舉行Part 2演唱會。