陳奕迅變髮熊貓妖爆
陳奕迅（Eason）日前為新碟拍攝唱片封套，經過八小時整妝後，一頭凌亂長髮加上魅惑熊貓眼，Eason頓時變身張國榮（哥哥）的《大熱》妖冶造型，但他揚言哥哥的氣質無人能及。
Eason全新廣東EP本月十二日推出，繼上一張《H3M》唱片以滿面鬍鬚Look示人後，今次為配合碟名《Time flies》時日如飛的主題而搞搞新意思，Eason特別駁了一頭長髮及化了Smoky Eyes眼妝，加上用風吹撲面的效果，營造出長髮飛纏的動感美態，而另一款造型，Eason頭上則架起巨型的裝飾物拍攝，一身打扮充滿後現代藝術氣質。
氣質不及偶像
當Eason以完整造型現身時，在場工作人員無不驚訝，因為眼前的Eason竟帶點哥哥《大熱》的妖冶味道，雖然Eason平時既好動又愛說話，但投入拍攝的他卻不苟言笑充滿沉寂。
事後Eason坦言不覺得自己似哥哥，他說：「哥哥喺我心目中係數一數二有魅力嘅偶像，氣質無人能及！」
嘆做女人辛苦
然而，是次拍攝用了八小時駁髮，令Eason苦不堪言，他坦言：「做女人真係好辛苦，長髮加上大型服裝搞到我都熱力逼人，唔明點解啲靚女咁鍾意長頭髮，不過今次係我唱歌生涯一大突破，希望歌迷會鍾意！」 文：音樂組