祖兒女王生剝晒Body

祖兒前晚在亞洲博覽館舉行「新城容祖兒我的女皇音樂會」，祖兒患上感冒抱病演出，她帶點聲沙說：「出騷前最棹忌係病咗，把聲電磁啲會有啲唔同。」

大跳辣身舞

雖然祖兒聲音有點沙啞，但連唱十一首歌的她，一樣揮灑自如，未見有失準，盡顯天后實力一面。

至於祖兒為配合主題「女王舞衣」，穿住女王舞衣出場，祖兒表示：「呢條裙好重，但我會一路唱一路除，成晚都喺台上面換衫，會除十幾款畀大家睇。」當祖兒每唱完一首歌，外籍設計師Sean.K便親自上台為祖兒「脫衣」，由有袖變冇袖，將長裙變身短裙，逐一「脫變」，到音樂會尾聲時，祖兒只剩下一件性感貼身Body，祖兒抵死笑說：「我都好冒險o架，都叫做除咗條裙，但你哋掌聲咁零碎好心痛o架！」觀眾即以掌聲回應，祖兒隨即演繹新歌《桃色冒險》，給舞蹈員摸髀攬腰大跳惹火辣身舞。

對演出順利，祖兒表示以前帶病演唱會很緊張，現在她學會集中精神投入演出。

祖兒穿女王舞衣出場，之後在台上一路唱一路除衫，以不同形象示人。

陳偉霆和Sherman（右）等齊任表演嘉賓，與祖兒在台上大跳大唱。

Ken感觸落淚

音樂會上，洪卓立（Ken）、陳偉霆、洪杰和鍾舒漫（Sherman）齊任表演嘉賓，去年大病一場的Ken再踏舞台即感觸落淚，演唱新歌《你好嗎？》大騷唱功。而Sherman勁歌熱舞之餘，又以鋼琴彈奏《給自己的信》，並與祖兒在台上合唱。

洪卓立	Mani（左起）及楊受成在台下投入睇騷。

文：音樂組