楊愛瑾出書驚有錯字
楊愛瑾、吳浩康及莊思敏等前晚出席新片《愛麗絲夢遊仙境》名人場，她說：「書展我會出本講愛情嘅書，最近寫緊大綱。（你同鄧麗欣邊個好文采啲？）我唔敢講，不過我有睇新聞，依家check住自己有冇錯別字。（書中寫埋同徐天佑單戀情？）吓？我哋都冇拍過，總之會有自己嘢啦！」
同場的吳浩康得悉女友希望求婚時有507卡巨鑽，他即說：「佢嫁畀粒鑽石？市儈！有鑽石就冇幸福，由得佢揀。乜話？507卡要二億幾？得嘅，我畀心機做嘢，四十歲有希望！」此外，《愛》雖然昨天才上映，但IMAX預售票房已達一百五十萬，未開畫已破紀錄。