千嬅追殺周秀娜：摑一巴先

楊千嬅與周秀娜早前合作拍攝黃真真執導電影《抱抱俏佳人》時，因敖嘉年在拍攝現場遺失手提袋，有指千嬅曾暗示周秀娜牽涉其中，又傳千嬅不滿有人靠身材上位，矛頭亦直指周秀娜，因而傳出兩人不和。

敖嘉年主動擔櫈坐在千嬅身旁，令失袋事件三位主角來張大合照，團圓結局。

放大圖片

搭晒膊頭碎不和

千嬅與周秀娜昨日齊為《抱》片宣傳，乃二人傳不和之後首度一齊見記者，兩人亦有備而來。周秀娜到場便表明跟千嬅無不和，而千嬅到場即笑言：「為證實我同周秀娜不和，我要搵佢摑一巴先。」然後便大叫周秀娜，不過當時因對方在遠處聽不到。千嬅接受完訪問後，即主動走在周秀娜身邊並坐在她的隔籬，又扮摑周秀娜，兩人全程有講有笑，又搭晒膊頭，實行以行動粉碎不和之說！

千嬅接受訪問時，指不和之說令她感到很無辜，但已經慣了，她表示：「對套戲都好嘅，冇緋聞咪傳呢啲嘢囉，我同周秀娜有講嘢，呢件事之後仲多咗傾偈添。」

周秀娜再三強調跟楊千嬅冇不和，但失竊事件之傳聞，確實令她心裏有刺。

楊千嬅大玩不和傳聞，甫到場便笑指要找周秀娜「摑一巴」。

打醒十二分精神

周秀娜再次被問到是否跟千嬅不和，她表示：「唔係，開工不嬲有講有笑。」有指不和之說乃電影宣傳，有記者問她是否做戲做全套？她表示：「開工不嬲都要做戲，（相處成點？）好開心，（有冇同千嬅講番有傳佢暗指你牽涉敖嘉年失袋件事？）冇，都知唔係真，（同千嬅開工會唔會打醒十二分精神？）戲入面佢做我上司，梗係要打醒十二分精神，（開工有冇人用奇異眼光望你？）冇，開工啲財物一向都跟身，事前事後都係一樣，件事唔係真，但有咁嘅傳聞，我都梗係有『』住，心裏有刺。（需唔需要澄清？）唔需要，（同千嬅可否做朋友？）做到，大家都係潮州人。」

敖嘉年亦力證遺失手袋後，千嬅從無向他暗示周秀娜牽涉其中，大家開工亦冇尷尬，而他亦曾向周秀娜講不好意思，令她受到追訪。敖嘉年又表示事件已交由警方處理，暫時亦未有進展。

文：影視組