塞翁失馬夥拍王導

因一套《浪漫滿屋》紅遍中港台的宋慧喬，近日被指參演《趙氏孤兒》竟開出等同荷里活巨星的條件，嚇窒劇組，結果《趙》片不得不陣前另覓人選。傳聞對宋慧喬相當不利，其經理人公司當然有感「啞子吃黃連」，發言人昨回應記者查問時謂：「我哋同陳導係有接觸過，亦專登飛去北京傾咗一次，但都未傾到條件、片酬咁深入嘅問題。（忽然空出檔期有冇影響？）一切都好初步，根本都冇mark到幾時開工，不過宋慧喬今年會同澤東拍一部戲，所以檔期都排得好滿。（覺唔覺得被利用宣傳？）呢樣嘢我哋唔回應。」

日內抵港試穿戲服

剛巧，昨有韓國網站傳出宋慧喬日內將抵港的消息，直指伊人為接拍王家衛新片《一代宗師》做準備工夫。片中扮演葉問太太的她，專程來港試穿戲中特製的護腕衫，然後與梁朝偉雙雙飛往內地「鬥戲」。據悉，宋慧喬對是次演出相當重視，早於去年尾便開始找專人傳授武術，如今加上特製戰衣「護航」，相信伊人應付武打場面時絕對格外放心！

文：影視組