英皇小花詩雅昨日為電台劇集《愛回家》拍攝外景，飾演一名小腦萎縮症的少女，跟陳玉蓮飾演兩母女。詩雅坦言今次角色有一定難度：「因為呢種病人講說話同埋行路都有困難，好彩開戲之前可以同個真正有呢個病症嘅女仔見面傾偈，了解對方嘅生活、諗法等等，有時入戲得滯，放工講嘢都有少少口吃，嚇親我媽咪。」
陳玉蓮表示以往拒絕接拍當媽媽的戲，不過今次劇本動人，加上見到「囡囡」詩雅非常靚女，令她決心接拍這套劇，她說：「我冇做媽媽嘅經驗，同埋我好怕被定型，不過第一日化妝間見到詩雅，就覺得大家好似，相處好似兩姊妹咁，合作得好開心。」
