江欣燕（欣欣）與王賢誌、名媛盈盈、梁李少霞昨日齊出席心晴行動舉行的「名人名牌二手服飾慈善義賣」記者會，身為活動推廣的欣欣，即席捐出價值過萬的Gucci手袋及名錶一隻以示支持，處境劇《畢打自己人》剛播畢，欣欣透露有意把三大袋戲服捐出。
欣欣笑指那些戲服乃平價貨色，故底價準備設定低一點，她謂：「希望鍾意嘅朋友可以買返去，同埋啲衫唔係牌子嘢，不過都要返屋企摷一摷先，因為星期六就開始，驚趕唔切呀。（會唔會叫老公捐衫？）嘩！真係毛管戙，要問吓佢先，逐件逐件問喎！佢係型人嚟o架嘛！」
向來喜做善事的她，表示亦曾把《同事三分親》內的戲服捐出，她說：「不過當時夾唔啱『心晴行動』嘅時間，所以拎咗去救世軍，拎之前仲要叫工人將衫入面釘住我個名嘅牌整走，因為唔想啲人睇到我個名先買。」而容祖兒、蔡卓妍亦捐出服飾義賣。