Gigi、鄭中基及鄧麗欣前晚出席新片《越光寶盒》宣傳活動，席間眾人到台下向影迷派利是時，Gigi獲一名多年來不斷向她求婚的男粉絲，為她送上一束99支紅玫瑰以示愛意，但名花有主的Gigi，只是禮貌地收下花束，並未受對方打動。

雖然前晚為元宵佳節，不過Gigi卻飛起男友獨自去偷歡：「我約咗成班女仔朋友食飯。（男友呢？）我哋傾啲女仔嘢，怕佢會悶親。」Gigi又表示自己在《越》片中只屬客串性質，但想不到電影公司卻將她放於海報的正中位置，令她大為驚喜：「估唔到佢哋咁重視我，真係待我不薄。」另外，有傳出鍾欣桐在內地解禁，對此Gigi表示：「我唔係好清楚，望佢可以快啲投入番電影圈。」

鄧麗欣元宵食自己

自言元宵佳節要獨自度過的鄧麗欣，笑言幸好這天有工作在身，否則就要在家中呆坐：「冇人約呀，好彩有嘢做，如果唔係就要喺屋企呆坐，一陣做完嘢我都係返屋企自己煮麵食。」

眾人在台上與粉絲玩遊戲。

鄧麗欣自爆元宵佳節一個人度過。

鄭中基買飛捧Twins

同場的鄭中基被問到會送甚麼元宵節禮物予女友蔡卓妍（阿Sa）？他即謂：「呢個話題好悶呀！冇準備禮物，送電影飛畀佢囉。（有傳阿Sa叫你做老公？）嗰個唔係我，我冇聽過咁嘅名。（計劃結婚？）冇咁快，衝多幾年先。」說到Twins將舉行演唱會，鄭中基則預先恭祝她們演出成功，又謂屆時定會買飛捧場。

文：影視組