前日才過廿一歲生日的Baby，與朋友出外慶祝，玩至凌晨三時仍未回家。昨日她與熊黛林出席國際護膚品牌Estee Lauder CyberWhite EX系列發布會時，成為全場焦點的Baby明顯心情不俗，就連由台灣遠道而來的著名化妝師古小偉為Baby示範新妝時，也打趣說要給她化個桃花妝，寓意多點桃花。

失黃曉明電話號碼

Baby淡定否認與黃曉明過生日，更稱無跟對方接觸及通電話，也沒收對方的禮物。她說：「我唔知，冇見到，我尋晚同朋友打邊爐。（生日唔可以講大話喎！）今日係三月一日唔係生日，已經過咗。（係咪有接觸都唔會講？）係！」問到是否想保護這段剛開始的感情？Baby認真說：「我唔想有太多緋聞，唔想畀大家覺得我炒作！」

之後Baby自爆遺失iPhone，雖已設密碼，但仍會報警備案。她說：「入面冇私人相，電話全部都係假名。（黃曉明個假名係咩？）哈！唔係真名。」她續說前晚收到朋友所送的MAC機及99支玫瑰，但否認是黃曉明送花，更表示從報章才知陳偉霆不在港，也沒收過對方的短訊祝賀。問到覺不覺對方冇心肝？她說：「唔知呢！唔緊要啦！」Baby出席完活動，即到柴灣繼續工作。

另外，Baby在blog上載與曾任木村哉拓形象設計師的野口強合照，又為日本雜誌拍封面，足證她在日本愈來愈受歡迎。

陳偉霆：盡量唔提

另邊廂，Baby前緋聞男友陳偉霆前晚出席雪碧榜時心情不俗，但有內地記者提及Baby生日，他即收起笑容說：「我唔會回應有關Baby嘅問題。（咁決絕？）唔想緋聞再成為焦點，盡量唔想再提！」而黃曉明的經理人周嗣偉接受電話訪問表示，黃曉明沒有秘密到港，現在於橫店拍電影。對於有指黃曉明來港跟Baby慶祝生日，他強調兩人無秘密交往，不想多作回應。文：名人組